Нүүр

Танилцуулга

Мэдээлэл

Үйлчилгээ

Ил тод байдал

Шилэн данс

Хууль эрх зүй

Холбоо барих

Цаг үеийн мэдээ
Газар өмчлөлийн хуулийн хугацааг 10 жилээр сунгалаа.       Дуудлага худалдааны анхны үнийг буурууллаа.       Газар эзэмших, ашиглах эрхийн дуудлага худалдааны байршлуудыг батлууллаа.      Зуслангийн ногоон бүсэд иргэдэд зориулсан мэдээллийн самбаруудыг байрлуулна.      Газрын төлбөрийн Ландпэй програмыг нэвтрүүлнэ.       Олон улсын ISO стандарт нэвтрүүлнэ.      Газар өмчлөлийн аяныг дахин зохион байгууллаа.       Бүтээн байгуулалтын ажлын газар чөлөөлөлт хийгдэж байна.       “Газрын зөрчил арилгах” арга хэмжээг зохион байгуулж байна.       “Нийтийн эзэмшил-Нийгмийн хариуцлага” аяныг эхлүүллээ.       Хороо бүрийг альбомжуулна.      “Нийслэлийн Газрын албаны онлайн харилцагчийн үйлчилгээ”-г нэвтрүүлэхээр бэлтгэл ажлыг хангаж байна.       Газрын харилцаа хэлэлцүүлгийг дүүрэг бүрт зохион байгуулж байна.     

Бүх нийтээр мод тарих үндэсний өдрийн хүрээнд нийслэлийн Газрын албаны албан хаагчид Үндэсний цэцэрлэгт хүрээлэнд 100 ширхэг хайлас мод тарилаа. Байгаль орчноо нөхөн сэргээх, ногоон байгууламжийг нэмэгдүүлэх үйлст гар бие оролцож, Үндэсний цэцэрлэгт хүрээлэнд нийслэлийн Газрын албаны нэрэмжит төгөл бий болгохоор зорьж байгаа юм.

Газрын тухай хуулийн хэрэгжилтийг хангах, нийслэлд газрын зөрчил арилгах  үйл ажиллагааг эрчимжүүлэх, нийтийн эзэмшлийн газар ашиглалтыг сайжруулах зорилгоор “Газрын зөрчил арилгах нэгдсэн арга хэмжээ”-г зохион байгуулж байна. Энэ арга хэмжээний хүрээнд нийслэлийн Газрын албанаас төвийн 6 дүүргийн хэмжээнд явган хүний зам, авто зам хаасан буюу орц гарц, авто машины болон явган хүний зам хаасан хаалт, хашаа, саадыг чөлөөлөх 129 байршил судалгааг гарган шаардах хуудас өгч, газар чөлөөлөх ажлыг хийж байна.

Нийслэлийн Засаг даргын Тамгын газраас 2017 оныг “Иргэдийн оролцоотой эрх зүйн шинэтгэлийн жил” болгон зарласан.

Цахим газар өмчлөлтийн асуудлаар нийслэлийн Газрын албаны Газар өмчлөлийн хэлтсийн ахлах мэргэжилтэн Н.Оюунбилэгээс дараах зүйлийг тодрууллаа.

Нийслэлийн Газрын албаны дэргэдэх “Газар эзэмших, ашиглах эрхийг хянан шийдвэрлэх зөвлөл”-ийн хурал 2017 оны 5 дугаар сарын 9-ний өдөр боллоо.  Уг хурлаар иргэн, аж ахуйн нэгж, байгууллагуудаас ирүүлсэн газар эзэмших, ашиглах эрхийн гэрчилгээний хугацаа сунгах, бусдад шилжүүлэх тухай 114 хүсэлтийг хэлэлцсэнээс 97 хүсэлт дэмжигдэж, 19 хүсэлт тодорхой асуудлаар судалж, тодруулахаар шаардлагатай учраас хойшлуулав.

Газрын мэдээллийн технологийн хэлтэс нь нийслэлийн хэмжээнд газартай холбоотой орон зайн болон орон зайн бус өгөгдлийг бүрдүүлэх, шинэчлэн баяжуулах, эрх бүхий холбогдох байгууллагуудыг газрын кадастрын талаарх мэдээ тайлангаар хангах, газрын харилцааны болон цаг үеийн холбогдолтой мэдээ мэдээллийг түргэн шуурхай, хүртээмжтэй хүргэх, албаны үйл ажиллагаанд шинээр нэвтэрч буй програм хангамж, дэвшилтэт технологийг нэвтрүүлэх, тасралтгүй найдвартай ажиллагааг хангаж ажиллаж байна.

Нийслэлийн Газрын албаны дэргэдэх “Газар эзэмших, ашиглах эрхийг хянан шийдвэрлэх зөвлөл”-ийн хурал өнөөдөр буюу 2017 оны 5 дугаар сарын 09-ний өдөр болно. Энэ удаагийн хурлаар эзэмшил, ашиглалтад байгаа газрынхаа эрхийн гэрчилгээний хугацааг сунгах, бусдад шилжүүлэхээр иргэн, аж ахуйн нэгж, байгууллагаас ирүүлсэн 109 асуудлыг хэлэлцэн дүгнэлт гаргана.

Нийслэлийн Газрын алба 2017 оны 5 дугаар сарын 3-ны өдөр иргэдэд ажлаа сурталчлах өдөрлөгийг Сүхбаатарын талбайд зохион байгууллаа. Өдөрлөгийн үеэр иргэдэд газартай холбоотой бүх төрлийн лавлагаа, мэдээлэл өгч, газар эзэмших эрхийн хугацаа сунгах, нэр шилжүүлэх, талбайн хэмжээ зориулалт өөрчлөх, эдэлбэрийн хэлбэр, байршил, оноосон нэр өөрчлөх хүсэлтийг хүлээн авах, кадастрын зураг гаргах зэрэг 29 нэр төрлийн үйлчилгээг үзүүллээ.

Ойн тухай хууль болон Монгол Улсын ерөнхийлөгчийн “Мод тарих үндэсний өдөр зарлах тухай” 2010 оны 63 дугаар зарлигийг хэрэгжүүлэх зорилгоор манай байгууллагын хамт олон 5 дугаар сарын 13-ны өдөр Үндэсний цэцэрлэгт хүрээлэнд мод тарьж, байгууллагын нэрэмжит ногоон төгөл бий болгохоор төлөвлөөд байна.

Газрын харилцааны ажилтны өдөрт  зориулсан “Газрын харилцаа 2017” эрдэм шинжилгээний хурал ХААИС-ийн Эрдмийн зөвлөлийн танхимд боллоо.  Уг хуралд нийслэлийн Газрын албаны Газрын менежмент төлөвлөлтийн хэлтсийн мэргэжилтэн Ж. Мөнхзул “Нийслэлийн нутаг дэвсгэрийн газар зохион байгуулалтын төлөвлөлтийн асуудал” сэдвээр, Газрын мэдээллийн технологийн хэлтсийн мэргэжилтэн Д.Энхмаа “Хотын барилгажсан хорооллын газар ашиглалтад хийсэн дүн шинжилгээ” сэдвээр тус  тус илтгэл тавилаа.

Газар өмчлөлийн шийдвэрийн төслийг боловсруулах ажлын хэсгийн 2017 оны 5 дугаар сарын 2-ны өдрийн хурлаар 569 иргэний газар өмчлөлийн хүсэлтийг хэлэлцэж хянан нийслэлийн Засаг даргын захирамжаар шийдвэрлүүлэхээр өргөн бариад байна.

Нийслэлийн газрын албаны Газар өмчлөлийн хэлтсийн хамт олны мэндчилгээ

Нийслэлийн нийт иргэд, төр захиргааны байгууллага, ажил мэргэжил нэгт хамт олон та бүхэндээ Газрын харилцааны салбарын ажилтаны өдрийг тохиолдуулан баяр хүргэж ажил, амьдралын хамгийн сайн сайхан бүхнийг хүсэн ерөөж мэндчилж байна.

Хандалт

624599
Өнөөдөр
Энэ 7 хоногт
Энэ сар
Нийт
483
3837
12546
624599

Таны IP: 54.224.56.126

Нийгмийн сүлжээ